27 जानेवारीपासून राज्यातील पाचवी ते आठवीचे वर्ग सुरू होणार

शिक्षणमंत्री वर्षा गायकवाड यांनी सांगितलं, "27 जानेवारीपासून राज्यात पाचवी ते आठवीचे वर्ग सुरू करण्यास परवानगी देण्यात आली आहे. पण अंतिम निर्णय स्थानिक प्रशासनाने घ्यायचा आहे. मुलांची RT-PCR टेस्ट बंधनकारक आहे. पालकांची लेखी परवानगी असेल तर मुलांना शाळेत प्रवेश देता येईल. इतर पूर्वतयारी करायची आहे. यानंतर प्रशासन शाळा सुरू करू शकते."

दरम्यान, मुंबईतील शाळा पुढील आदेशापर्यंत सुरु होणार नाहीत, अशी माहिती मुंबई महापालिकेने प्रसिद्धी पत्रक जारी करत दिली आहे.

मुंबई महापालिका क्षेत्रातील कोव्हिडची साथ नियंत्रणात असली तरीही अन्य देशांमध्ये असलेली दुसरी लाट आणि अन्य राज्यातील परिस्थिती पाहता मुंबई महापालिका क्षेत्रातील सर्व खासगी आणि सरकारी शाळा पुढील आदेश मिळेपर्यंत बंद ठेवण्यात येतील, असं या पत्रकात म्हटलं आहे आहे.