सोमवारपासून राज्यातील शाळा सुरू होणार

 ज्या भागात कोरोनाचा प्रादुर्भाव कमी आहे अशा ठिकाणी २४ जानेवारीपासून शाळा सुरू होतील. स्थानिक पातळीवर जिल्हाधिकारी, महापालिका आयुक्त, तहसीलदार असतील जे राज्य सरकारने दिलेल्या नियमांचे पालन करून शाळा सुरू करण्याबाबत निर्णय घेतील. सोमवार, 24 जानेवारीपासून शाळा सुरू होणार आहेत. पहिली ते बारावीचे वर्ग सुरू होतील आणि पूर्व प्राथमिक वर्गही सुरू होतील, असे शिक्षणमंत्री वर्षा गायकवाड यांनी सांगितले.

सोमवारपासून राज्यातल्या शाळा सुरु होणार, अंगणवाडीसह १ ते १२ चे वर्ग सुरु करण्यास मुख्यमंत्र्यांची संमती शिक्षणमंत्री वर्षा गायकवाड

मुलांचे आरोग्य आणि मुलांची सुरक्षा ही आमची प्राथमिकता आहे. स्थानिक परिस्थितीवर लक्ष ठेवले पाहिजे. कोरोनाच्या स्थितीचा आढावा घेतला पाहिजे. शाळा सुरू केल्यापासून गेल्या दोन वर्षांपासून आम्हाला कोरोनाचा संसर्ग दिसत आहे. त्यामुळे शाळा सुरू करताना नियमांचे पालन करावे. पूर्ण काळजी घेऊन शाळा सुरू कराव्यात, असे वर्षा गायकवाड यांनी म्हटले आहे. पालकांच्या संमतीनंतर विद्यार्थी शाळेत येतील. एकही विद्यार्थी शिक्षणापासून वंचित राहणार नाही याची दक्षता घेण्यात यावी.