शिष्यवृत्ती परीक्षेच्या दिवशी परीक्षा केंद्र असणाऱ्या शाळांना सुट्टी जाहीर
Holidays announced for schools having examination centers on the day of scholarship exam

पूर्व उच्च प्राथमिक शिष्यवृती परीक्षा (इ. ५ वी) व पूर्व माध्यमिक शिष्यवृत्ती परीक्षा (इ. ८ वी) २०२२ ही बुधवार दि. २० जुलै, २०२२ रोजी महाराष्ट्र राज्यातील सर्व जिल्ह्यांमध्ये इ. ५ वीच्या ३३५३ व इ. ८ वीच्या २३५४ अशा एकूण ५७०७ परीक्षा केंद्रांवर एकाच दिवशी घेण्यात येणार आहे. शिष्यवृत्ती परीक्षेकरीता आपणामार्फत निश्चित केलेल्या परीक्षा केंद्रांच्या याद्या आपल्या लॉगीनमध्ये उपलब्ध करून देण्यात आलेल्या आहेत.

पूर्व उच्च प्राथमिक शिष्यवृती परीक्षा (इ. ५ वी) व पूर्व माध्यमिक शिष्यवृत्ती परीक्षा (इ. ८ वी) दि. २० जुलै, २०२२ च्या परीक्षा केंद्रांतील शाळेच्या विद्यार्थ्यांना सुट्टी

परीक्षेच्या दिवशी परीक्षेस प्रविष्ठ विद्यार्थ्यांची गैरसोय होऊ नये यासाठी आपल्या जिल्ह्यातील/तालुक्यातील शिष्यवृत्ती परीक्षेकरीता परीक्षा केंद्र असलेल्या शाळांतील विद्यार्थ्यांना दि. २०/०७/२०२२ रोजी एक दिवसाची सुट्टी देण्यात यावी. त्या दिवशीचा अभ्यासक्रम इतर सुट्टीच्या दिवशी शाळा भरवून पूर्ण करून घेण्यात यावा. तथापि सदर दिवशी शाळेचे कार्यालयीन कामकाज सुरू राहील याची नोंद घ्यावी. परीक्षा घेण्यासाठी कोणताही अडथळा येणार नाही याची दक्षता घ्यावी.