राज्यात पुढील वर्षीपासून केरळ पॅटर्न ; वर्ग तिसरी ते आठवी परीक्षा पुन्हा सुरू होणार!

Admin

२२ नोव्हें, २०२२

राज्यात पुढील वर्षीपासून केरळ पॅटर्न ; वर्ग तिसरी ते आठवी परीक्षा पुन्हा सुरू होणार!
Kerala pattern from next year in the state; Class 3rd to 8th exams will start again!

राज्यातील प्राथमिक आणि माध्यमिक शिक्षणात आमूलाग्र बदल घडवून आणण्यासाठी शिंदे- फडणवीस सरकार राज्यात आता शिक्षणाचा ‘केरळ पॅटर्न’ (Kerala pattern) राबविणार आहे. त्यानुसार पुढील वर्षापासून तिसरीच्या विद्यार्थांची वार्षिक सराव परीक्षा सुरू करणार आहे.

त्यानंतर टप्प्याटप्प्याने पुढील वर्गांच्या परीक्षा घेण्यात येतील. राज्यात पहिली ते आठवीपर्यंतच्या परीक्षा रद्द करून विद्यार्थ्यांना थेट पुढील वर्गात पाठविले जात आहे.

काही खासगी शाळा वगळता सरकारी शाळांमध्ये परीक्षा घेतली जात नसल्यामुळे विद्यार्थांमध्ये अभ्यासाची गोडी राहिली नाही. नापास होणारच नाही; तर अभ्यास कशासाठी करायचा, अशी मानसिकता तयार झाल्यामुळे त्यांचे वाचनही कमी झाले आहे.

भविष्यातील धोका लक्षात घेऊन शिक्षण पद्धतीत बदल करण्यासाठी शालेय शिक्षणमंत्री दीपक केसरकर यांच्या मार्गदर्शनाखाली शिक्षण अधिकारी राजस्थान, गुजरात आणि केरळमधील प्राथमिक आणि माध्यमिक शिक्षण पद्धतीचा अभ्यास करत आहे.