खुदीराम बोस का जीवन परिचय,खुदीराम बोस पर निबंध,खुदीराम बोस का नारा,क्रांतिकारक खुदिराम बोस,खुदीराम बोस फोटो,खुदीराम बोस मराठ
क्रांतिकारक खुदिराम बोस
- जन्म - ३ डिसेंबर १८८९ (मेदिनीपूर,बंगाल)
- स्मृती - ११ ऑगस्ट १९०८ (मुझफ्फरपुर)
भारतातील सर्वात तरुण वयाचा क्रांतिकारक म्हणून ओळखला जाणारा
हा वीर वयाच्या अवघ्या १९ व्या वर्षी शहीद झाला. त्याचा जन्म बंगाल मधल्या
मेदिनीपूर जिल्ह्यातल्या बहुवेनी या गावात झाला. त्यांच्या लहानपणीच आई
लक्ष्मीप्रियादेवी आणि वडील त्रैलोक्यनाथ यांचा मृत्यू झाल्याने त्यांची मोठी बहीण
अनुरूपादेवी आणि तिचे पती अमृतलाल यांनी त्यांचे पालनपोषण केले. बंगाल प्रांताचे
विभाजन करण्याचे ब्रिटिश सरकारने १९०३ साली निश्चित केले होते. त्या विरुद्ध
सर्वसामान्य लोकांमध्ये नाराजीची तीव्र लाट पसरली. खुदीरामलाही बंगालच्या फाळणीचा
निर्णय अन्यायकारक वाटला, देशासाठी काहीतरी करावे असे सारखे वाटू
लागल्याने त्यांनी सशस्त्र क्रांतीचा मार्ग पत्करला. सरकारच्या विरूद्ध आंदोलने
करणार्‍यांना पकडून कठोर शिक्षा देण्यात येऊ लागल्या. यात प्रमुख असणार्‍या
न्यायाधीश किंग्ज फोर्ड ला मारूनच सरकारचा विरोध करण्याचे पक्के करण्यात आले.
बंकिमचंद्र चॅटर्जी यांच्या 'आनंदमठ' या
कादंबरीतील 'वंदे मातरम' या गीताने
लोकांमध्ये नव संजीवनी पसरविली.
यातच खुदीरामने किंग्ज फोर्ड ला मारण्याची जबाबदारी स्वीकारली. ३० एप्रील १९०५ या दिवशी खुदीरामचा सहकारी प्रफुल्ल चक्रवर्ती याने किंग्ज फोर्ड याच्या गाडीवर एक बॉंब फेकला, परंतु तो चुकून दुसर्‍याच एका गाडीवर पडला. त्या गाडीतील दोन महिला ठार झाल्या, किंग्ज फोर्ड मात्र बचावला. या घटनेच्या दुसर्‍या दिवशी खुदीराम हे पकडले गेले तर प्रफुल्लने अटकेपूर्वीच आत्महत्या केली. खुदीराम यांच्यावर खटला भरण्यात आला. त्यांच्या विरुद्ध हत्येचा गुन्हा शाबीत झाल्याने त्यांना ११ ऑगस्ट १९०५ या दिवशी फासावर जावे लागले. सशस्त्र क्रांतीत बॉंबचा उपयोग करणारे खुदीराम बोस हे पहिले क्रांतिकारक ठरले.
कुणीही वेबसाईटवरील माहिती आमच्या परवानगी शिवाय प्रसिद्ध करू नये केल्यास कॉपीराईट नियमानुसार नोटीस देण्यात येईल.
.png)
COMMENTS