देशभरात 28 नवोदय विद्यालये आणि 85 केंद्रीय विद्यालयांची उभारणी

देशभरात 28 नवोदय विद्यालये आणि 85 केंद्रीय विद्यालयांची उभारणी,28 Navodaya Vidyalayas and 85 Kendriya Vidyalayas to be established across the country

देशभरात 28 नवोदय विद्यालये आणि 85 केंद्रीय विद्यालयांची उभारणी

शुक्रवारी दिल्लीत झालेल्या केंद्रीय मंत्रिमंडळाच्या बैठकीत 28 नवोदय विद्यालये (NV) आणि 85 केंद्रीय विद्यालये (KV) उभारण्यास मान्यता देण्यात आली. याशिवाय, दिल्ली मेट्रोच्या रिठाला-कुंडली कॉरिडोरच्या बांधकामालाही मंजुरी देण्यात आली.

नवोदय विद्यालयांची संख्या वाढणार

सद्यःस्थितीत नवोदय विद्यालय योजना लागू नसलेल्या जिल्ह्यांमध्ये ही 28 नवीन नवोदय विद्यालये उभारली जातील. विशेषतः अरुणाचल प्रदेशात 8, तेलंगणामध्ये 7, आसाममध्ये 6, मणिपूरमध्ये 3, पश्चिम बंगालमध्ये 2, कर्नाटकमध्ये 1, आणि महाराष्ट्रात 1 नवोदय विद्यालय उभारले जाणार आहेत.

85 नवीन केंद्रीय विद्यालये

देशातील विविध राज्यांमध्ये 85 नवीन केंद्रीय विद्यालये उभारण्याची योजना आहे. जसे की जम्मू-काश्मीरमध्ये सर्वाधिक 13, मध्य प्रदेशात 11, आंध्र प्रदेश आणि राजस्थानमध्ये प्रत्येकी 9, ओडिशामध्ये 8, उत्तर प्रदेशात 5, आणि महाराष्ट्र, गुजरात, कर्नाटक या राज्यांमध्ये प्रत्येकी 3 केंद्रीय विद्यालये उभारली जातील.

नवीन शाळा आणि विद्यार्थ्यांसाठी संधी

नवीन शाळा उभारण्यासाठी 8,232 कोटी रुपयांचा बजेट मंजूर करण्यात आला आहे. यात केंद्रीय विद्यालयांसाठी 5,872 कोटी आणि नवोदय विद्यालयांसाठी 2,360 कोटींचा समावेश आहे.

• केंद्रीय विद्यालयांमुळे: 82,560 विद्यार्थ्यांना शिक्षणाचा फायदा होईल.
• नवोदय विद्यालयांमुळे: 15,680 विद्यार्थ्यांना शिक्षणाची संधी मिळेल.

नोकऱ्यांची निर्मिती

या शाळांमुळे एकूण 6,700 नोकऱ्यांची निर्मिती होईल. यामध्ये केंद्रीय विद्यालयांमध्ये 5,388 आणि नवोदय विद्यालयांमध्ये 1,316 नोकऱ्या उपलब्ध होतील.

नवीन शिक्षण धोरणाचा आधार: पीएम श्री शाळा योजना

नवीन राष्ट्रीय शिक्षण धोरण (NEP) लागू करण्यासाठी सर्व केंद्रीय व नवोदय विद्यालयांना "पीएम श्री शाळा" म्हणून विकसित करण्यात येत आहे. यामुळे या शाळा इतर शाळांसाठी आदर्श ठरतील आणि शिक्षण व्यवस्थेत नवा आदर्श निर्माण करतील.

शिक्षण क्षेत्राला चालना देण्यासाठी नवोदय व केंद्रीय विद्यालयांची उभारणी हा महत्त्वाचा निर्णय ठरला आहे. या उपक्रमामुळे शिक्षणाची गुणवत्ता सुधारण्याबरोबरच हजारो विद्यार्थ्यांना उत्तम शिक्षणाची संधी मिळणार आहे.

• [message]
• ##check##  वाचकांसाठी महत्त्वाची सूचना
• कुणीही वेबसाईटवरील माहिती आमच्या परवानगी शिवाय प्रसिद्ध करू नये केल्यास कॉपीराइट कायदा 1976 च्या कलम 107 अन्वये नियमानुसार नोटीस देण्यात येईल.

 आपली वेबसाईट आपले सोशल मिडिया जॉईन करा.

• Facebook - https://www.facebook.com/thakareblog
• Twitter – https://twitter.com/aapalathakare
• Instagram – https://www.instagram.com/aapala.thakare/
• Telegram – https://telegram.me/aapalathakare
• Whats App - https://cutt.ly/Next-Update-Group-Join
• Google News- https://news.google.com/publications/CAAqBwgKMNmHlgswrKutAw
• Threads Join Link- https://www.threads.net/@aapala.thakare