नवोदय परीक्षेची तयारी: शेवटच्या पाच दिवसांचे महत्व!

नवोदय विद्यालय प्रवेश परीक्षा (Navodaya Vidyalaya Entrance Exam) ही विद्यार्थ्यांसाठी त्यांच्या शैक्षणिक प्रवासातील महत्त्वाचा टप्पा ठरते. विद्यार्थ्यांच्या बौद्धिक क्षमतांचे, गणितीय कौशल्याचे आणि भाषिक कौशल्यांचे मूल्यमापन करणारी ही परीक्षा उत्कृष्ट शैक्षणिक संधींच्या दार उघडते. अशा या महत्त्वाच्या परीक्षेसाठी केवळ पाच दिवस शिल्लक असताना, योग्य नियोजन आणि अभ्यास पद्धतींचा अवलंब केल्यास यशाचे दार सहज उघडता येते. 

या शेवटच्या पाच दिवसांत कोणत्या टॉपिक्सवर जास्त भर द्यावा? कोणत्या पद्धतीने तयारी केल्यास वेळेचा जास्तीत जास्त उपयोग होईल? आणि महत्त्वाच्या टॉपिक्ससाठी सरावाचे धोरण काय असावे? या सर्व प्रश्नांची उत्तरे शोधण्यासाठी, आम्ही या ब्लॉगमध्ये उपयुक्त आणि मार्गदर्शक माहिती मांडली आहे. 

विद्यार्थ्यांनी शेवटच्या क्षणाची घाई टाळून, लक्ष केंद्रित ठेवून सराव करणे आवश्यक आहे. या ब्लॉगमध्ये दिलेले टिप्स आणि टॉपिक्स नक्कीच तुमच्या यशात भर घालतील. चला तर मग, नवोदय परीक्षेचा शेवटचा अभ्यास नियोजनबद्धरीत्या सुरू करूया!

[जवाहर नवोदय विद्यालय निवड सराव चाचणी 2025 | Jawahar Navodaya Vidyalaya Selection Mock Test 2025]

नवोदय परीक्षेसाठी फक्त शेवटचे काही दिवस उरले आहेत! या शेवटच्या  दिवसांत कशा प्रकारे अभ्यास करायचा? 

१) बुद्धिमत्ता चाचणी (मानसिक क्षमता चाचणी): 

- वेगळी आकृती ओळखा 

- भौमितिक आकृती पूर्ण करा 

- आरशातील आणि पाण्यातील प्रतिबिंब 

- कागदाची घडी उकलणे आणि कागद दुमडणे 

- आकृती समसंबंध व आकृती श्रेणी पूर्ण करा 

या टॉपिकचा जास्तीत जास्त सराव करा, कारण बहुतांश मुले येथे चुका करतात. बुद्धिमत्ता चाचणीतील प्रत्येक गुण महत्वाचा आहे. 

[Navodaya Entrance Exam Practice Model Papers]

२) अंकगणित (Arithmetic): 

शेवटच्या दिवसांत फक्त पुढील टॉपिक्सचा सराव करा. मागील प्रश्नपत्रिकांमधील प्रश्न सोडवण्याचा प्रयत्न करा, कारण २०२४ पासून अभ्यासक्रम बदललेला आहे. 

- चित्रालेख आणि स्तंभालेख: १-२ प्रश्न. 

- कोन आणि कोनांचे प्रकार: किमान २ प्रश्न. काटकोन, लघुकोन, विशालकोन, सरळ कोन, कोटीकोन, पूरककोन, विरुद्ध कोन यांचा अभ्यास करा. 

- नफा आणि तोटा: २ प्रश्न. शेकडा नफा व तोटा वगळा. 

[2025 नवोदय परीक्षा: OMR उत्तरपत्रिकेची रचना आणि सराव पद्धती]

- परिमिती आणि क्षेत्रफळ: २-३ प्रश्न. चौरस, आयत, त्रिकोण यांच्या परिमिती व क्षेत्रफळावर भर द्या. 

- चौरसाचा कर्ण दिला असता क्षेत्रफळ काढण्यासाठी: कर्णाचा वर्ग ÷ २ हा फॉर्म्युला लक्षात ठेवा. 

- अपूर्णांक: ३ प्रश्न. व्यवहारी व दशांश अपूर्णांकांवरील बेरीज, वजाबाकी, गुणाकार, भागाकार व त्यावर आधारित प्रश्नांचा सराव करा. 

- पदावली: १ प्रश्न. 

- मापन परिमाणे: लांबी, वजन, धारकता, वेळ, पैसे यावर आधारित किमान २ प्रश्न. 

- गुणिते आणि गुणक (अवयव): १-२ प्रश्न. 

- संख्या पद्धती: ३-४ प्रश्न. संख्यांची तुलना, नैसर्गिक संख्यांचे प्रकार (सम, विषम, मूळ, संयुक्त, सहमूळ), वरील प्रकारांचा सराव करा. 

👉 शेकडेवारी (टक्केवारी) कन्सेप्ट समजून घ्या, पण प्रश्न येणार नाहीत. 

[नवोदय सराव परीक्षा | Navodaya practice test]

३) भाषा (मराठी): 

- उतारे: १२ प्रश्न. 

उतारा सोडवताना आधी प्रश्न वाचा, मग उतारा वाचा, व शेवटी उत्तर शोधा. 

- व्याकरण: ८ प्रश्न. 

  - शब्दांचे प्रकार: नाम, विशेषण, क्रियाविशेषण, क्रियापद यावर भर द्या. 

  - अव्यय: उभयान्वयी, शब्दयोगी व केवलप्रयोगी अव्यय ओळखता यायला हवे. 

- समानार्थी-विरुद्धार्थी शब्द: सराव करा. 

- वाक्प्रचार व एका अर्थाचे अनेक शब्द: निश्चित करा. 

प्रश्नांचे उत्तर निघाल्यावर ते तत्काळ उत्तरपत्रिकेत गोल करून नोंदवा. 

🙏✨ सर्व विद्यार्थ्यांना शुभेच्छा! तुमचा अभ्यास यशस्वी होवो! 🙏✨  

• [message]
• ##check##  वाचकांसाठी महत्त्वाची सूचना
• कुणीही वेबसाईटवरील माहिती आमच्या परवानगी शिवाय प्रसिद्ध करू नये केल्यास कॉपीराइट कायदा 1976 च्या कलम 107 अन्वये नियमानुसार नोटीस देण्यात येईल.